O Seminario de Estudos Galegos

Entre as mulleres do Seminario de Estudos Galegos podemos destacar o traballo científico de Dolores Lorenzo Salgado, Amparo Arango Fernández e Encarnación Fraga Padín en xeoloxía, e de Celsa Pérez Moreiras en bromatoloxía. Esta científica, Celsa Pérez, realizou varios estudos sobre o queixo que é un produto básico da alimentación galega e que se obtén grazas á bromatoloxía.



Procura nun dicionario o significado do termo bromatoloxía.



En que consiste a fermentación? Que tipo de fermentación é a responsable da elaboración dos queixos? Escribe a ruta metabólica.

Son catro os queixos galegos de denominación de orixe protexida. Procura na internet cales son e que tipo de microorganismos son os empregados na súa elaboración.

A semellanza do estudo que realizou Celsa Pérez Moreiras, analiza a composición química destes catro queixos, centrándote na porcentaxe de proteínas, graxas e glícidos, na cantidade de Calcio, vitamina D, colesterol e enerxía aportada (quilocalorías por 100g).

	Graxa (%)	Proteína (%)	.Glícidos (%)	Calcio (mg)	Vitamina D (µg)	Colesterol (mg)	Enerxía (Kcal)
Arzúa	77.8	22.2	0	763.85	0.25	90	397
Cebreiro	77.1	22.9	0	97.13	-	-	258
San Simón	76.5	23.5	0	954.69	0.25	90	443
Tetilla	77	23	0	809.01	0.25	90	374

Se unha persoa adolescente precisa na súa dieta dunhas 2500 kcal ao día, que porcentaxe de quilocalorías diarias representa 100g de cada queixo?